امریکی فوجی شمسی ائیر بیس خالی کرنے کو تیار نہ تھے، فوج نے سپلائی لائن بند کر کے ائیر بیس کی طرف جانے والی تمام سڑکیں بند کر دیں اور باہر سخت پہرہ بٹھا دیا ، ا مریکہ کوپیغام بھجوایا گیا کہ اگر ائیر بیس خالی نہ کیا گیا تو پاکستانی فوج کے دستے کارروائی کر یں گے

لاہور/ایم ارشد
انتہائی با خبرذرائع سے معلوم ہوا ہے کہ پاکستان کی اعلیٰ فوجی افسران پر مشتمل ایک ٹیم نے امریکہ کے زیر استعمال شمسی ائیر بیس پر چھاپہ مارا ہے اور وہاں سے انٹیلی جنس نوعیت کی معلومات کے خزانے علاوہ ڈرون حملوں کی ٹیکنالوجی اور ڈرون طیا رے قبضے میں لے لئے ہیں ۔یہ اطلاع ایک ایسے وقت میں آئی ہے جب ناٹو فورسز کے پاکستانی چوکی پر حملے میں 24پاکستانی فوجیوں کی ہلاکت کے بعد پاک امریکہ تعلقات کشیدہ ہیں اور پاکستان کی فوجی اسٹبلشمنٹ نے امریکہ کو ڈرون طیاروں کے لئے استعمال ہونے والا شمسی ائیر بیس خالی کرنے کا حکم دے دیا ہے ۔پاکستان کے اعلیٰ فوجی اور انٹیلی جنس افسران کے علاوہ واہ آرڈیننس فیکٹری اور اےئر فورس کے ٹیکنیشن پر مشتمل ٹیم شمسی ائیربیس سے ملنے والے آلات کا معائنہ کر رہی ہے۔ذرائع نے اگرچہ اس امر کی تفصیل نہیں بتائی تاہم کچھ اشارے ضرور دےئے ۔اس سلسے میں ایک تصویر بھی موصو ل ہوئی جس میں پاکستان کے فوجی افسران کو ایک ڈرون طیارے کے پاس کھڑا دیکھا جا سکتا ہے ۔ کہا جاتا ہے کہ یہ تصویر شمسی ائیر بیس کے اندر کی ہے اور پاکستانی افسران ڈرون طیارے کا معائنہ کر رہے ہیں ۔ان کے ساتھ امریکی فوجی افسران بھی کھڑے ہیں ۔
ذرائع کا کہنا ہے کہ امریکی فوجی شمسی ائیر بیس خالی کرنے کو تیار نہ تھے ۔ امریکی متحدہ عرب امارات کے ذریعے پاکستان پر دباؤ دالا تاہم عسکری قیادت نے کسی قسم کے دباؤ میں آ نے سے انکار کر دیا اور امریکہ کو یہ سخت پیغام بھجوایا گیا کہ اگر ائیر بیس خالی نہ کیا گیا تو پاکستانی فوج کے دستے خود کارروائی کر کے اےئر بیس خا لی کروا لیں گے ۔ذرائع کا کہنا ہے کہ امریکہ نے ائیر بیس کالی کرنے کا فیصلہ اس وقت کیا جب پاک فوج نے ائیر بیس کی طرف جانے والی تمام سڑکیں بند کر دیں اور سپلائی لائن بند کر کے بیس کے باہر سخت پہرہ بٹھا دیا ۔ اس طرح ائیر بیس کا عملی طور پر محاصرہ کر لیا گیا۔اس محاصرے کے بعد پاک فوج ائیر بیس میں داخل ہو گئی اور بیس پر موجود امریکیوں نے مزاحمت نہیں کی ۔ تازہ ترین اطلاعات یہ ہیں کہ امریکا نے شمسی ائیربیس خالی کرنے کی تیاریاں شروع کردی ہیں۔