گزشتہ چار برس کے دوران ہونے والی کئی ہزار ارب روپے کی کرپشن میں ملوث اعلیٰ ترین سیاسی شخصیات ‘ بیوروکریٹس اور ان کے ’’مڈل مین‘‘ حضرات کو شکنجے میں لانے کیلئے فہرستوں کی تیاری شروع، منطقی انجام‘‘ تک پہنچایا جائے گا، ذرائع کا دعویٰ

اسلام آباد (نمائندہ فیکٹ ) پیپلز پارٹی کی طرف سے ’’سیاسی شہید‘‘ بننے کے دو ٹوک فیصلہ اور ملک میں آئندہ آنے والے عبوری سیٹ اپ کے دوران مقتدر حلقوں نے گزشتہ چار برس کے دوران ہونے والی کئی ہزار ارب روپے کی کرپشن میں ملوث اعلیٰ ترین سیاسی شخصیات ‘ بیوروکریٹس اور ان کے ’’مڈل مین‘‘ حضرات کو ’’بے رحم احتساب‘‘ کے شکنجے میں لانے کیلئے فہرستیں بنانا شروع کر دی ہیں۔پیر کو یہاں ذمہ دار ذرائع کے مطابق عبوری سیٹ اپ بننے کی صورت میں فوری طور پر 150 سے زائد اعلیٰ شخصیات کی گرفتاریاں ہونگی جن پر ’’مقتدر حلقوں‘‘ کی پوری نظر ہے اور ان میں سے کسی ایک کو بھی ملک سے باہر فرار ہونے کا موقع نہیں دیا جائے گا۔ ذرائع کے مطابق ان فہرستوں میں بیشتر سیاستدان ‘ بیوروکریٹس اور کئی معروف ’’مڈل مین‘‘ شامل ہیں جن کی کرپشن کے قصے اس وقت زبان زدعام ہیں۔ذرائع کے مطابق یہ احتساب ماضی میں نواز شریف یا فوجی ادوار میں ہونے والے نام نہاد احتسابی عمل سے قطعی طور پر مختلف ہوگا اور اس ’’بے رحم احتساب‘‘ کے شکنجے میں آنے والے تمام کرپٹ عناصر چاہے وہ جتنا بڑا مرتبہ اور مقام کیوں نہ رکھتے ہوں، اس بار ان کو ’’منطقی انجام‘‘ تک پہنچایا جائے گا۔

اسلام آباد/سٹاف رپورٹ
سینیٹ انتخابات کے لیے مسلم لیگ(ق )اور پیپلزپارٹی کی سیٹ ایڈجسٹمنٹ کی کوششیں حتمی مرحلے میں داخل ہوگئی ہیں۔ پیپلزپارٹی ق لیگ کو 7نشستیں دینے پر آمادہ ہوگئی ہے مگر ق لیگ نے 11 نشستوں کا مطالبہ کیا ہے۔مسلم لیگ (ق) نے وفاق سے ایک‘پنجاب سی3 ‘ بلوچستان سی5 اور سندھ اور خیبر پختونخوا سے ایک ایک نشست مانگی ہے۔ سینیٹ انتخابات کے لیے سیٹ ایڈجسٹمنٹ کا فیصلہ پیر کو دونوں جماعتوں کی قیادت کرے گی۔مسلم لیگ(ق) نے اسلام آباد سے وسیم سجاد‘ پنجاب سے مشاہد حسین سید کامل علی آغا او رمصطفی ملک جبکہ سندھ سے حلیم عادل شیخ کے لیے سینیٹ کی نشستیں مانگی ہیں۔ق لیگ نے خیبر پختونخوا سے بھی ایک نشست دینے کا مطالبہ کیا ہے۔ ارکان اسمبلی کی تعداد کم ہونے کے باعث وہاں سے سیٹ ملنے کے امکانات بہت کم ہیں۔ واضح رہے کہ 2 مارچ کو ہونے والے سینیٹ انتخابات میں سب سے زیادہ نقصان مسلم لیگ (ق) کو ہو رہا ہے۔ اس جماعت کے 21میں سی20 سینیٹرز ریٹائر ہو جائیں گے صرف (ق) لیگ کے صدر چوہدری شجاعت حسین مزید3 سال کے لیے سینیٹر رہیں گے۔ (ق) لیگ کے ریٹائر ہونے والے سینیٹرز میں سب سے سینئر وسیم سجاد ہیں جو کہ 1985ء سے مسلسل رکن سینیٹ منتخب ہوتے چلے آرہے ہیں۔

جیش محمد، تحریک اسلامی، ملت اسلامیہ پاکستان، غازی فورس، حزب التحریر، جمعیت الفرقان اور خیرالنساء انٹرنیشنل ٹرسٹ نہ صرف ملک کے اندر بلکہ بیرون ممالک سے بھی رقوم منتقل کر رہی ہیں ، انٹیلی جنس اداروں کی رپورٹ کے بعد ایف آئی اے کو بنک اکاؤنٹس کی تفصیلات فراہم کرنے کا حکم

اسلام آباد/سٹاف رپورٹ
پاکستان کے خفیہ اداروں نے حکومت کو متنبہ کیا ہے کہ پاکستان اور بیرونِ ممالک سے کالعدم تنظیموں کو ملکی اور غیر ملکی کرنسی میں سرمائے کی فراہمی سے ایسی تنظیمیں ایک بار پھر متحرک ہو رہی ہیں جوگْزشتہ کچھ عرصے کے دوران سیکورٹی فورسز اور قانون نافذ کرنے والے اداروں کی کارروائیوں کے نتیجے میں کمزور پڑ گئی تھیں۔ خفیہ رپورٹ کے مطابق کئی کالعدم تنظیموں نے بینکوں میں مختلف نئے ناموں سے اکاؤنٹس دوبارہ کھلوالیے ہیں جہاں پر نہ صرف ملک کے اندر سے بلکہ بیرون ممالک سے بھی رقوم منتقل کی جارہی ہیں۔ان میں شدت پسندی کے واقعات میں ملوث تنظیمیوں کے علاوہ دیگر تنظیمیں بھی شامل ہیں جو بظاہر سماجی کاموں میں مصروف ہیں۔ وزارت داخلہ کو خفیہ اداروں کی طرف سے دی گئی رپورٹس کے حولے سے کہا گیا ہے کہ7 کالعدم تنظیموں سے تعلق رکھنے والے افراد بینکوں میں مختلف ناموں سے اکاؤنٹس کھلوا رہے ہیں۔ ان تنظیموں میں جیش محمد، تحریک اسلامی، ملت اسلامیہ پاکستان، غازی فورس، حزب التحریر، جمعیت الفرقان اور خیرالنساء انٹرنیشنل ٹرسٹ شامل ہیں۔ رپورٹس میں اس بات کی نشاندہی کی گئی ہے کہ مذکورہ تنظیموں سے تعلق رکھنے والے افراد نے اپنے اور دیگر افراد کے ناموں پرملکی اور غیر ملکی بینکوں میں اکاؤنٹس کھلوا کر اْنہیں استعمال کرنا شروع کردیا ہے۔ ان افراد میں متعدد افراد ایسے ہیں جو پہلے بھی ان تنظیموں کے نام پر کْھلنے والے اکاؤنٹس میں رقم جمع کروانے اور نکلوانے کے لیے اْنہیں استعمال کرتے رہے ہیں تاہم وفاقی حکومت کی طرف سے ان تنظیموں پر پابندی لگنے کے بعد اْنہوں نے ان اکاؤنٹس کو استعمال نہیں کیا۔ذرائع کے مطابق اس بات کا ذکر بھی کیا گیا ہے کہ ہنڈی کے ذریعے پیسے بھجوانے کے عمل کی سخت مانیٹرنگ کے بعد بینک اکاؤنٹس کے ذریعے رقم منتقل کرنے کا طریقہ کار اپنایا گیا ہے۔رپورٹس میں خدشہ ظاہر کیا گیا ہے کہ ان اکاؤنٹس میں آنے والی رقوم کی وجہ سے یہ تنظیمیں ایک مرتبہ پھر بھرپور طریقے سے منظم ہو رہی ہیں۔ان اطلاعات کی روشنی میں وزارت داخلہ نے وفاقی تحقیقاتی ادارے کے بینکنگ سرکل اور متعلقہ حکام سے مختلف بینکوں میں کھولے گئے ایسے کھاتوں کی تفصیلات اکھٹی کرنے کو کہا ہے جن میں بھاری رقوم اور بالخصوص غیر ملکی کرنسی میں رقوم بھیجی جارہی ہیں۔حکومتِ پاکستان نی24 کالعدم تنظیموں کے بینک اکاؤنٹس پر پابندی عائد کر رکھی ہے ان میں مندرجہ بالا7 تنظیموں کے علاوہ لشکر جھنگوی، سپاہ محمد،لشکر طیبہ، سپاہ صحابہ پاکستان،تحریک نفاذ شریعت محمدی، القاعدہ، تحریک جعفریہ، جمعیت الانصار، بلوچستان لبریشن آرمی، انصارالاسلام ، حاجی نامداد گروپ، اسلامک سٹوڈنٹس موومنٹ آف پاکستان اور تحریک طالبان پاکستان شامل ہیں۔ان کے علاوہ اقوام متحدہ کی جانب سے جن 4 تنظیموں پر پابندی عائد کی گئی ہے اْن کے مختلف بینکوں میں کھلے ہوئے اکاؤنٹس بھی منجمد کیے گئے ہیں ان میں جماعت الدعوۃ، الاختر ٹرسٹ، الرشید ٹرسٹ اور حرکت الجہاد اسلامی شامل ہیں۔وزارتِ داخلہ نے سْنی تحریک کو 2002ء سے واچ لسٹ پر رکھا ہوا ہے۔ ذرائع کے مطابق ان تنظیموں پر سابق فوجی صدر پرویز مشرف کے دور میں 2001ء سے لے کر2004ء کے درمیان پابندی عائد کی گئی تھی ۔

کراچی/واشنگٹن/سٹاف رپورٹ
امریکا میں ناکرہ جرم کے الزام میں 86برس کی سزائے قید کاٹنے والی پاکستانی خاتون سائنسدان کینسرکے موذی مرض میں مبتلا ہوگئیں،مقید سائنسدان کی بہن فوزیہ صدیقی نے عافیہ کے مرض کی اطلاعات کی تصدیق کردی،امریکا میں تعینات ہونے والی نئی سفیر شیری رحمان نے رابطوں کے باوجود کوئی مؤقف ظاہرکرنے یاعافیہ کے علاج کیلئے کوئی اقدامات نہیں کیے۔ عافیہ صدیقی کی بہن ڈاکٹر فوزیہ صدیقی نے کہا کہ ہیوسٹن کے پاکستانی قونصل جنرل سے علم ہوا ہے کہ عافیہ کینسر کا شکارہیں لیکن پاکستانی سفارت خانہ ان اطلاعات کی تصدیق یا تردید کیلئے کردارادانہیں کر رہا۔ ہیوسٹن میں تعینات پاکستانی قونصل جنرل عاقل ندیم نے رابطہ کرنے پربتایاہے کہ وہ جیل کے ڈاکٹرز سے عافیہ کے علاج کیلئے درخواست کر رہے ہیں لیکن راس ویل نامی جیل سے منسوب تمام تر کہانیوں کی موجودگی اور کینسرجیسے مرض کے بعدیہ درخواست ناکافی ہے۔ انہوں نے مطالبہ کیا کہ پاکستانی سفارتخانہ عافیہ کے علاج کیلئے ڈاکٹرزکی ٹیم مہیاکرنے کی بات کرے جس میں جیل معالجین کے علاوہ پرائیویٹ ڈاکٹرزبھی شامل ہوں۔امریکا میں نئی تعینات ہونے والی پاکستانی سفیرشیری رحمن سے رابطہ کیے جانے کے باوجودجواب نہ ملنے پر فوزیہ صدیقی نے کہا کہ امریکا جانے سے قبل شیری رحمن نے عافیہ کیلئے ہر ممکن اقدام کرنے کی یقین دہانی کرائی تھی۔ڈاکٹر فوزیہ صدیقی نے پاکستانی وامریکی حکام سے یہ اپیل بھی کی کہ ان کی والدہ شدید بیماری کے بعداب بولنے کے قابل ہو چکی ہیں عافیہ کی ان سے بات کروائی جائے۔رپورٹ کے مطابق امریکا میں تعینات پاکستانی سفیرسے مؤقف جاننے کیلئے ای میل پر رابطہ کیا گیا تاہم پاکستانی سفارت خانے اور ہیوسٹن قونصلیٹ کا کوئی جواب موصول نہیں ہوا۔