شریف برادران نے اپنے خاندانی کاروبار اور ادا کئے گئے ٹیکسوں کی تفصیلات جاری کردیں۔ جس کے مطابق گزشتہ دس برسوں کے دوران انہوں نے 6 ارب روپے ٹیکسز کی مد میں ادا کئے۔ تفصیلات کے مطابق اتفاق فاؤنڈریز نے قومیائے جانے سے قبل اور بعد ٹیکسوں کسٹم ڈیوٹی ایکسائز اور یوٹیلٹی بلوں سمیت 99 کروڑ 47 لاکھ 86 ہزار روپے ادا کئے ہیں رمضان شوگر مل کی طرف سے 30 ستمبر 1992ء سے 30ستمبر 2009ء4 تک مختلف ٹیکسز کی مد میں 3 ارب 15 کروڑ 8 لاکھ 40 ہزار روپے چوہدری شوگر ملز نے 30 ستمبر 1993ء سے 30 ستمبر 2010ء تک مختلف ٹیکسزکی مد میں 3 ارب 11 کروڑ 62 لاکھ 4 ہزار 385 روپے مہران رمضان ٹیکسٹائل ملز کی طرف سے 30 ستمبر 1993ء4 سے 30 جون 2006ء کے دوران ٹیکسز کی مد میں 16 کروڑ 67 لاکھ 4 ہزار 712 روپے حمزہ بورڈملز کی جانب سے 31 دسمبر 1993ء سے 30 جون 2006ء کے دوران ٹیکسوں کی مد میں 16 کروڑ 30 لاکھ 33 ہزار 380 روپے اور حدیبیہ انجینئرنگ کمپنی کی جانب سے 30ستمبر 1994ء سے 30 جون 2010ء تک 9 کروڑ 18 لاکھ 36 ہزار 92 روپے قومی خزانے میں جمع کرائے گئے۔ تفصیلات میں بتایا گیا کہ 14 جون 1989 کو ایم بی جوناتھن نامی جہاز کو کراچی کی بندرگاہ پر شریف فیملی کا 28 ہزار ٹن سکریپ اتارنے کی اجازت نہ دی گئی اور معاملے کو 11 ماہ تک لٹکائے رکھا گیا جسکے باعث 2.5 ملین ڈالر کی اضافی رقم جہاز کو کرائے کی صورت میں ادا کرنا پڑی۔ پاکستان ریلوے نے 1980ء میں اتفاق فاؤنڈریز کیساتھ معاہدے کے باوجود مال بردار بوگیاں فراہم کرنے سے انکار کیا اور 1200 بوگیاں روکی گئیں، بعد ازاں سپریم کورٹ نے فیصلہ اتفاق فاؤنڈریز کے حق میں دیا۔ اتفاق فاؤنڈریز نے جن اثاثوں کے عوض بینکوں سے قرضے لئے ہوئے تھے وہی اثاثے بینکوں کے سپرد کردیئے گئے۔ بینکوں سے حاصل کئے گئے 4 ارب روپے مالیت قرضے کے عوض 10 ارب روپے سے زائد مالیت کے اثاثے بینکوں کے سپرد کئے گئے اور یہ معاملہ تاحال زیرسماعت ہے۔ عدالتی فیصلہ شریف خاندان کے حق میں آنے سے اربوں روپے کا فائدہ ہوگا۔1999ء میں نواز شریف کی حکومت گرائے جانے کے بعد سے 2005ء تک بینک اپنی مختلف وجوہات کی بنیاد پر ان اثاثوں کے مستقبل کا فیصلہ نہ کرپائے۔