Published On: Fri, Aug 7th, 2015

کرپشن ،ایف آئی اے کی تحقیقاتی کمیٹی بنانے کی تجویز پر سندھ حکومت خاموش

Share This
Tags
sindh کراچی میٹرو پولیٹن کارپوریشن کے لینڈ ڈپارٹمنٹ سے قبضے میں لی گئی اراضی فائلوں کی چھان بین کے لئے ایف آئی اے کی کمیٹی تشکیل دینے کی تجویز پر سندھ حکومت نے مکمل خاموشی اختیار کر لی، تاہم ایف آئی اے کی جانب سے کے ایم سی کے لینڈ ڈپارٹمنٹ سے قبضے میں لی جانے والی فائلوں پر تحقیقات جاری ہے ۔ ایف آئی اے نے شہر کی قیمتی زمینوں پر لینڈ مافیا کے ذریعے رہائشی مکانات بنانے والوں کو بیانات قلمبند کرانے کیلئے نوٹس بھی جاری کر دیا۔ ذرائع کے مطابق سندھ حکومت کی جانب سے لکھے گئے خط کے جواب میں ایف آئی اے نے بھی خط تحریر کیا، جس میں ڈائریکٹر ایف آئی اے سندھ نے تجویز دی کہ کے ایم سی کے لینڈ ڈپارٹمنٹ سے قبضے میں لی گئی فائلوں کی چھان بین اور کراچی کی اربوں روپے کی زمینوں پر قبضے کی تحقیقات کے لئے ایف آئی اے ، نیب، اینٹی کرپشن اور سندھ کے محکمہ بلدیات کے افسران پر مشتمل ٹیم بنائی جائے ۔ ذرائع کے مطابق ایف آئی اے کی تجویز پر سندھ حکومت نے مکمل خاموشی اختیار کرلی ہے ۔ ذرائع نے بتایا کہ ایف آئی اے حکام نے گلستان جوہر میں جامعہ کراچی کے سامنے 200 ایکڑ زمین پر قبضے کر کے مکانات تعمیر کرنے والے الاٹیز کو بیانات قلمبند کرانے کے لئے نوٹس جاری کر دئیے ہیں۔ ذرائع نے بتایا کہ مذکورہ زمین کراچی واٹر اینڈ سیوریج بورڈ کے ریزروائر کے لئے مختص تھی، تاہم لینڈ مافیا کے کارندے چنوں ماموں نے پلاٹوں کی چائنا کٹنگ کر کے کے ایم سی لینڈ ڈپارٹمنٹ کے افسران کے ساتھ مل کر مذکورہ پلاٹوں کو 149/1 سے 149/13 تک نمبر الاٹ کر دئیے ۔ ذرائع نے بتایا کہ مذکورہ الاٹیز اگلے ہفتے اپنا تحریری بیان ایف آئی اے حکام کے سامنے ریکارڈ کرادیں گے۔

کراچی/رپورٹ: نادر خان

Leave a comment

  • yasser on بول ٹی وی کیخلاف سازش کا سکرپٹ سلطان علی لاکھانی نے لکھا، میر شکیل الرحمان اور میاں عامر محمود حصہ دار بنے ، بول کی بدنامی کے کئی پلانز باقی۔۔۔ نواز لیگ کے میڈیا سیل نے بھی حصہ ڈالا۔۔ حیران کن انکشافات
  • shylabark on بول ٹی وی کیخلاف سازش کا سکرپٹ سلطان علی لاکھانی نے لکھا، میر شکیل الرحمان اور میاں عامر محمود حصہ دار بنے ، بول کی بدنامی کے کئی پلانز باقی۔۔۔ نواز لیگ کے میڈیا سیل نے بھی حصہ ڈالا۔۔ حیران کن انکشافات
  • shylabark on بول ٹی وی کیخلاف سازش کا سکرپٹ سلطان علی لاکھانی نے لکھا، میر شکیل الرحمان اور میاں عامر محمود حصہ دار بنے ، بول کی بدنامی کے کئی پلانز باقی۔۔۔ نواز لیگ کے میڈیا سیل نے بھی حصہ ڈالا۔۔ حیران کن انکشافات
  • randisl3 on بول ٹی وی کیخلاف سازش کا سکرپٹ سلطان علی لاکھانی نے لکھا، میر شکیل الرحمان اور میاں عامر محمود حصہ دار بنے ، بول کی بدنامی کے کئی پلانز باقی۔۔۔ نواز لیگ کے میڈیا سیل نے بھی حصہ ڈالا۔۔ حیران کن انکشافات
  • jenaber on بول ٹی وی کیخلاف سازش کا سکرپٹ سلطان علی لاکھانی نے لکھا، میر شکیل الرحمان اور میاں عامر محمود حصہ دار بنے ، بول کی بدنامی کے کئی پلانز باقی۔۔۔ نواز لیگ کے میڈیا سیل نے بھی حصہ ڈالا۔۔ حیران کن انکشافات