Published On: Wed, Jun 17th, 2015

زرداری کا حصہ روزانہ ایک کروڑ روپے تھا، منظور قادر سب کچھ بتانے کو تیار، عزیر بلوچ بھی جلد زرداری پر ایٹم بم گرائے گا

Share This
Tags

سندھ بلڈنگ کنٹرول اتھارٹی کے سابق سربراہ منظور قادر سب کچھ بتانے کو تیار، عزیر بلوچ بھی جلد پاکستان آکر آصف زرداری پر ایٹم بم گرائے گا

سندھ سمیت ملک بھر میں کرپٹ عناصر کے گرد گھیرا تنگ کیا جا رہاہے ۔سندھ کی بااثر شخصیات اورسابق صدر آصف علی ذرداری کے خلاف منی لانڈرنگ،لینڈ مافیا ،اہم شخصیات کو قتل کرانے اور دیگر اہم ثبوت مل گئے ہیں، جنکی بنیاد پر ManzoorQadirکرپٹ سیاسی شخصیات ،اور سرکاری افسران کے خلاف کاروائی عمل میں لائی جائیگی جبکہ سابق چیف آف آرمی سٹاف اور انکے بھائیوں کے خلاف بھی نیب نے تحقیقات شروع کر رکھی ہے ۔فیکٹ انوسٹی گیشن یونٹ کو حاصل ہونے والی رپورٹ کے مطابق حکومت نے لیاری گینگ وار کے سربراہ عزیر بلوچ کو ماہ رمضان میں پاکستان لایا جا رہا ہے جو وعدہ معاف گواہ بن کر پیپلز پارٹی کی قیادت کے کے خلاف اہم انکشافات کرنے پر آمادہ ہو چکا ہے،جس کے بعد سندھ کا سیاسی درجہ حرارت مزید بڑھ جائیگا۔ سندھ میں نئے غیر جانبردار شخصیت کو گورنرسندھ تعینات کر کے گورنر راج لگانے کے لئے ہوم ورک مکمل کر لیا گیا ہے۔
ذرائع نے فیکٹ کو بتایا کہ سابق وزیرداخلہ ذوالفقارمرزا کے سابق صدر آصف علی ذرداری کے خلاف بیان بازی کے بعد سندھ کا منظر نامہ تبدیل ہو چکا ہے ۔ آصف علی ذرداری نے ذوالفقارمرزا کی زبان بندی کے لئے فہمیدہ مرزا سے الگ ملاقات کی اور اس سے درخواست کی کہ وہ ذوالفقارمرزا کو خاموشی اختیار کرنے پر آمادہ کرے لیکن فہمیدہ نے کہا کہ ذوالفقارمرزا جس جگہ پہنچ چکا ہے وہاں سے اسکی واپسی ممکن نہیں۔ آصف علی ذرداری کا فہمیدہ مرزا سے معاہدہ ہو ا کہ وہ ذوالفقارمرزا کو بیرون ملک بھجوانے پر آمادہ کریگی جبکہ آصف علی ذرداری دیگر تمام تر انتظامات کرائیں گے عدالتوں میں زیر سماعت کیسوں کو کچھ وقت گزرنے کے بعد واپس لے لیا جائیگا۔جس کے بعد ذوالفقار مرز ا بغیر کسی رکاوٹ کے بیرون ملک روانہ ہو گئے ۔ آصف علی ذرداری کے خلاف ایک محاذ پر طوفان تھما گیا لیکن سندھ بلڈنگ کنٹرول اتھارٹی پررینجرز کے چھاپے ،سندھ میں زمینوں پر قبضے ،چائنا کٹنگ جیسے امور ایسے ہیں جو سندھ کی بااثر شخصیات کے کرپٹ چہرے کو بے نقاب کرینگے۔ذرائع کے مطابق سندھ بلڈنگ کنٹرول اتھارٹی کے سابق سربراہ منظور قادر نے اربوں روپے کی کرپشن کی اور وہ باقاعدہ سابق صدر کو یومیہ ایک کروڑ روپے ادا کرتے تھے جبکہ باقی سندھ حکومت کو الگ سے رشوت دیتے تھے ،اسوقت وہ بیرون ملک ہیں جن کو پاکستان واپس لانے کے لئے اقدامات کئے جارہےہیں ۔
فیکٹ کو معلوم ہوا ہے کہ مقتدر حلقوں نے فیصلہ کیا ہے کہ ملک کو کرپشن فری بنانا ہے جس کے لئے تمام کرپٹ عناصر جسکا کسی پارٹی یا ادارے سے تعلق ہو اسکے خلاف بلا امتیاز کاروائی ہو گی۔ ذرائع کا کہنا ہے کہ مسلم لیگ ن کی اعلی قیادت کے اشارے پر آصف علی ذرداری کی گزشتہ روز کی جیالوں کے سامنے بڑھکیں انہیں قانون کے پھندے سے نہیں بچا سکیں گی اس لئے انہوں نے سابق جرنیلوں کی جانب اشارہ دیکر کچا چھٹا کھول دونگا ۔اس سلسلہ میں مقتدر حلقوں نے فیصلہ کیا کہ سابق آرمی چیف اور انکے بھائیوں کے خلاف کاروائی میں تیزی لائی جارہی ہے تا کہ یہ تاثر نہ رہے کہ یہ’’سلیکٹو جسٹس‘‘ ہے۔

رپورٹ : اسدمرزا

Leave a comment

  • autokredit on دیکھیں ! یہ ہیں پڑھے لکھے انتہا پسند۔۔۔۔سلمان تاثیر کی برسی کی تقریب پر حملہ کرنیوالے ملزموں کو پانچ ، پانچ اور تین ، تین سال قید کی سزا، انسداد دہشت گردی عدالت کا فیصلہ مثال بن گیا، اہم تصاویر اور انکشافات
  • baufinanzierung rechner on دیکھیں ! یہ ہیں پڑھے لکھے انتہا پسند۔۔۔۔سلمان تاثیر کی برسی کی تقریب پر حملہ کرنیوالے ملزموں کو پانچ ، پانچ اور تین ، تین سال قید کی سزا، انسداد دہشت گردی عدالت کا فیصلہ مثال بن گیا، اہم تصاویر اور انکشافات
  • OmidaNip on بول ٹی وی کیخلاف سازش کا سکرپٹ سلطان علی لاکھانی نے لکھا، میر شکیل الرحمان اور میاں عامر محمود حصہ دار بنے ، بول کی بدنامی کے کئی پلانز باقی۔۔۔ نواز لیگ کے میڈیا سیل نے بھی حصہ ڈالا۔۔ حیران کن انکشافات
  • SteveHit on بول ٹی وی کیخلاف سازش کا سکرپٹ سلطان علی لاکھانی نے لکھا، میر شکیل الرحمان اور میاں عامر محمود حصہ دار بنے ، بول کی بدنامی کے کئی پلانز باقی۔۔۔ نواز لیگ کے میڈیا سیل نے بھی حصہ ڈالا۔۔ حیران کن انکشافات
  • KennethInfal on بول ٹی وی کیخلاف سازش کا سکرپٹ سلطان علی لاکھانی نے لکھا، میر شکیل الرحمان اور میاں عامر محمود حصہ دار بنے ، بول کی بدنامی کے کئی پلانز باقی۔۔۔ نواز لیگ کے میڈیا سیل نے بھی حصہ ڈالا۔۔ حیران کن انکشافات