صوبائی دارالحکومت میں وفاقی اور صوبائی حکومتوں کے اعلیٰ افسروں کی کاروں اور جیپوں کو ذاتی استعمال میں لانے کے رجحان میں دن بدن اضافہ ہوتا جا رہا ہے۔ متعلقہ سرکاری شعبے ان گاڑیوں کو غیر قانونی طور پر استعمال کرنے کے سدباب میں بری طرح ناکام ہو چکے ہیں۔ سرکاری افسروں کی گاڑیاں بالخصوص رات کے اوقات میں شادی گھروں‘ ہوٹلوں‘ ریسٹورانوں اور تمام بڑی بڑی مارکیٹوں میں کھڑی نظر آتی ہے۔ سرکاری گاڑیوں کے استعمال سے وفاقی اور صوبائی حکومتوں کو ہر ماہ لاکھوں روپے کا ’’ٹیکہ‘‘ لگ رہا ہے۔ سرکاری افسروں کے بچوں کو ان کے سکولوں‘ کالجوں لانے لے جانے میں بھی سرکاری گاڑیوں کا بے دریغ استعمال کیا جا رہا ہے۔ موجودہ صورتحال سے باشعور اور محبت وطن افراد یہ سوچنے پر مجبور ہو گئے ہیں کہ ’’کرپشن‘‘ کے فروغ میں حکومتیں اہم کردار ادا کر رہی ہیں۔
لاہور ,وقائع نگار