سپریم کورٹ کے فیصلے کی روشنی میں بوڑھے پنشروں کو اضافی پنشن نہیں دی جا رہی، کیس لڑنے کے لئے حکومت پنجاب نے انتہائی مہنگے دو وکیلوں کو تقریباً 95 لاکھ کے ابتدائی فیس کے طور پر ادا کردئیے ہیں۔ محکمہ خزانہ کے ذرائع کے مطابق سپریم کورٹ کے سابق جج کے بیٹے جو پنجاب میں ایڈووکیٹ جنرل بھی رہ چکے ہیں ان کو 55 لاکھ روپے جبکہ ایک سابق اٹارنی جنرل کو 40 لاکھ روپے بوڑھے پنشنروں کے خلاف کیس لڑنے کے لئے جاری کئے گئے ہیں۔ ملازمین کے مطابق 60 سال سے زیادہ عمر کے افراد کو ویسے ہی سہولتیں ملنی چاہئے، بوڑھے پنشنروں کے خلاف کیس کے لئے حکومت پنجاب کروڑوں روپے خرچ کردے گی لیکن ان کو اضافی پنشن نہیں دے گی۔
لاہور (سپیشل رپورٹ)