سٹاف رپورٹ

علاقہ اقبال انٹرنیشنل ایئرپورٹ کے قریب ایک 80سالہ (ر) جرنیل کے بیٹے کو 10ایکڑ قیمتی اراضی 33سال کے لئے لیز پر دے دی گئی اور لیز کی مدت میں اتنی مدت کے لئے دوبارہ توسیع ہو سکتی ہے۔ذرائع کے مطابق یہ اراضی باضابطہ طور پر مذکورہ شخصیت کے حوالے کر دی گئی ہے ۔اراضی پر فائیو سٹار ہوٹل تعمیرکیا جائے گا۔لیز پر اراضی حاصل کرنے والی شخصیت نے ہوٹل کی تعمیر کے لیے ایک پاکستانی نژاد امریکی کو اس منصوبے میں سرمایہ کاری کے لیے راضی کر لیا ہے اور مختلف بین الاقومی ہوٹلز کی چین میں شامل ہونے کے لئے رابطے شروع کر دئیے ہیں۔مذکورہ شخص نے ہی لبرٹی مارکیٹ میں ایک ہوٹل تعمیر کر کے ہوٹل انڈسٹری سے وابستہ ایک نامور شخصیت کو 45لاکھ روپے پر ماہانہ کرائے پر دے رکھا ہے۔